• Breaking News

    September 15, 2011

    மரணம் கவிதை


    இயற்கையின்
    தயக்கமற்ற
    சுயாதீன
    நியாயத் தீர்ப்பு !
    நெடிய உயிர்துடிப்பின்
    கொடிய முடிவின்
    மறுக்கமுடியாத
    இறுதி அறிவிப்பு !

    உடலுக்குள் ஊடுருவ
    அடம்பிடித்து
    ஆர்ப்பரிக்கும் உயிர்மையின்
    தார்ப்பரியம் !
    தாலாட்டி வளர்க்கப்பட்டு
    உலா வந்த தூலத்தை, அதன்
    மூலத்தின் முன்நிறுத்தும்
    காலத்தின் ஞானம் !

    வேட்டைக் காட்டில்
    ஆட்டமிட்ட வாழ்க்கைப் பயணத்தின்
    இறுதித் திருப்பமாய்
    குறுக்கிடும்
    கருநிழல் படர்ந்த
    ஒருவழிப் பாதை !

    அவதூறாக
    தவறான அர்த்தம் கூறப்பட்டு
    கற்பனைவாதிகளால்
    அற்பமாக்கப்படும்
    இயற்கையின்
    வியத்தகு நியதி !

    மரணம் -
    நிரந்தரமாக உயிருடன்
    துணை சேர்ந்து வாழ்ந்து,
    இணையற்ற உயிரியல்
    யுகம் காக்கும்
    தகவமைப்பு நிகழ்வு !

    6 comments:

    1. அவதூறாக
      தவறான அர்த்தம் கூறப்பட்டு
      கற்பனைவாதிகளால்
      அற்பமாக்கப்படும்
      இயற்கையின்
      வியத்தகு நியதி !/////

      அருமை! நல்லதொரு கருத்து!!

      ReplyDelete
    2. @ ஐடியா மணி

      வாருங்கள் நண்பரே.. வருகைக்கும் நல்லதொரு கருத்திற்க்கும் மிக்க நன்றி..

      நட்புடன்
      சம்பத்குமார்

      ReplyDelete
    3. வாழ்வதற்காக சாகும் நீ
      செத்த பிறகும் வாழ பார்..

      ReplyDelete
    4. @suryajeeva

      தொடர் வருகைக்கும் ஆழமான கருத்திற்க்கும் மிக்க நன்றிகள் நண்பரே

      நட்புடன்
      சம்பத்குமார்

      ReplyDelete
    5. ''...இயற்கையின்
      தயக்கமற்ற
      சுயாதீன
      நியாயத் தீர்ப்பு !...''
      மிக சிறப்பா வரையப் பட்டுள்ளது. இதை யாரால் தான் தடுக்க முடியும்...வாழ்த்துகள் சகோதரா!
      வேதா. இலங்காதிலகம்.

      ReplyDelete
    6. @ kovaikkavi

      அன்பான வருகைக்கும் ஆத்மார்த்தமான கருத்திற்க்கும் மிக்க நன்றி சகோ..

      நட்புடன்
      சம்பத்குமார்

      ReplyDelete

    பதிவை சுவாசித்த உறவுகளே,தங்களின் எண்ணங்களை கருத்துக்களாக பகிர்ந்துவிட்டுச் செல்லுங்கள்.வருங்கால உறவுகளுக்காக உதவட்டும்.